تواصل نيوز - أعلنت الفنانة ملك زاهر عن تعرضها لوعكة صحية خلال الفترة الماضية، وذلك من خلال منشور عبر حسابها الشخصي على موقع تبادل الصور والفيديوهات إنستجرام.

ملك زاهر تتعرض لوعكة صحية

ونشرت ملك زاهر في منشورها الذي يرصده موقع تحيا مصر صورة من إحدى المستشفيات، وعلقت عليها وكتبت: طيب أنا عمري ما كنت بنزل غير الحاجات اللذيذة أو الهزار أو أي حاجة إيجابية من الآخر ولما كنت بحب انزل حاجة سلبية كنت باخدها بهزار وبنزلها close friends وبهزر بيني وبين صحابي بس بجد حاسة أن الفترة الأخيرة بيجيلي كومنتس كلها مانتي عايشة ومبسوطة واحنا مش عايشين وايه كل اللي انتو فيه.

وتابعت ملك زاهر: وحاسة أن في الناس بصة على اتفه الحاجات اللي ممكن تكون عندي بتبسطني زي مثلا أني انزل اروح الجيم او اخرج مع صحابي او يكون شكلي حلو و انا رايحة ايفنت معين حبيت بس اقولكم ان الحياة مش وردي انا بقالي 3 ايام تعبانة شوية وعندي حاجة لحد دلوقتي مش فاهمين سببها وجت فجأة وفي حوالي نص ساعة قبلها كنت زي الفل.

ملك زاهر: نفسيتي وحشة

واضافت: ومن ساعتها مش عارفة انزل او حد يشوفني بالي انا فيه ده و نفسيتي وحشة اوي انا بحكي الكلام ده عشان تعرفوا بس ان حياتي فيها الحلو و الوحش والله زي أي حد بس انا بحب دايما اشير الحلو بس و غالبا ده غلط فا قررت اشارككم كمان الوحش و مع ان الي بيحصلي دلوقتي انا بحمد ربنا عليه و عارفة انه بإذن الله ها يكون حاجة بسيطة و ان شاء الله هاخف و كله ها يكون تمام بس هو مخلي نفسيتي وحشة اوي حقيقي كل الي طالباه انكم ما تحكموش على حد من السوشيال ميديا او من ظهوره في اي حاجة لأنها بتوري بس يمكن ٢٠% من حياته و وادعولي اخف بسرعة شكرا.

ملك زاهر تطمئن الجمهور على حالتها الصحية

واختتمت ملك زاهر منشورها وكتبت: الهدف من الستوري دي مش ان اي حد يقلق لأن الحمد الله انا كويسة وان شاء الله الي عندي ده لي حل و انا تمام مافيش حاجة مقلقة انا بس حسيت اني محتاجة اشارك الوحش زي ما بشارك الحلو مش اكثر.